ОНА ФАРЁДИ » Tengsiz Portal №1
» » ОНА ФАРЁДИ

ОНА ФАРЁДИ

admin | 0 комментариев | 736 просмотров
31
01
2020
ОНА  ФАРЁДИ
0 голосов

KANALIMIZGA A'ZO BO'LING

loading...
  • Просмотр онлайн
  • Просмотр Сериаль

ОНА  ФАРЁДИ.

Тор қорнимда тўққиз ой яшаб,
Ва туғулдинг гулдайин яшнаб.
Бугун эса кўзларим ёшлаб,
Оқибатинг шумиди болам?!

Кўзим ёшлаб, юрагим доғлаб.
Ҳижронларга вужудим боғлаб.
Меҳрибонлик уйига жойлаб,
Оқибатинг шумиди болам?!

Ўз-ўзимни сўроқлаб пинҳон,
Дейман қайда адашдим, қачон?
Кўзларимда ёш маржон-маржон,
Оқибатинг шумиди болам?!

Бўлсин дебон қувват  ҳамда қут,
Кўкрак тутиб бергандим-ку сут.
Нахот бари бўлдими унут,
Оқибатинг шумиди болам?!

Алла айтиб бошинг силардим.
Яратгандан бахтинг тилардим.
Фақат меҳринг умид қилардим,
Оқибатинг шумиди болам?!

Отангдан сўнг тул бўлиб қолдим.
Парваришсиз гул бўлиб қолдим.
Ичим ёниб кул бўлиб қолдим,
Оқибатинг шумиди болам?!

Кўзга яқин бўлди деб болам,
Туф-туф дердим, ортингдан ҳар дам.
Дод, мен учун тор бўлди олам,
Оқибатинг шумиди болам?!

Меҳрибонлик уйи-меҳрли.
Мен кабилар бунда қадрли.
Дийданг бунча қаттиқ қаҳрли,
Оқибатинг шумиди болам?!

Майли мени олиб кетмагин,
Мен-ла ўзинг абгор этмагин.
Фақат битта илтимосим бор,
Болажоним, кел рад этмагин.

Бу ер ёзда иссиқ бўларкан,
Кондиционер керак бўларкан.
Пулинг кўп-ку, ҳамма хонага,
Кондиционер қўйсанг бўларкан.

Мен-ку ўрганиб қолдим хозир,
Бироқ болам, сен сал бесабр.
Сен ҳам бир кун, келасан ахир,
Оқибатинг шу ердир болам.

✍️ АБДУССАЛОМ АНДИЖОНДАН


QISMLARNI TANLANG




BIRINCHI BIZDA"ОНА ФАРЁДИ"KEYIN BOSHQALARDA

DO'STLARGA HAM ULASHING

все шаблоны для dle на сайте шаблоны dle 11.2 скачать